1․ Տեքստից դո՛ւրս գրիր հնաբանությունները (հին բառեր) և էլեկտրոնային բառարանի միջոցով բացատրիր։
Հատակը պատած էր նախշուն, բրդեղեն օթոցներով. անկյուններում դրած էին` զանազան ձևով, ծանր և թեթև նիզակներ, տեգեր, գեղարդներ, ջիդաներ, աշտեներ և երկաթե ահագին լախտեր, բոլորը գեղեցիկ քանդակներով զարդարած, բոլորը ոսկեհուռ դրվագներով ագուցած: Իսկ սենյակի այն ճակատի վրա, որ կողմը դրած էր նրա գահավորակը, պատի վրա մեխած էր մի լայն վագրի մորթի: Նրա վրայից քարշ էին ընկած զանազան զենքեր, կապարճ` լի նետերով, աղեղ` լայնալիճ, տապարներ` երկաթյա երկար կոթով, թեթև վահան` ուղտի թափանցիկ կաշուց պատրաստված, ծանր ասպար` պողպատից շինված և խոշոր կոճակների նման բևեռներով գամված, սաղավարտներ` կամ տեգի պես սուր կատարներով և կամ մազե ցցունքներով, զրահ` երկաթյա մանր օղակներից գործված, պղնձյա հաստ լանջապան, որի մեջտեղում բարձրաքանդակ դիրքով դուրս էր նայում մի գալարված վիշապ, զանազան թրեր, դաշույններ, վաղրներ` երկար և կարճ, ուղիղ և կեռ, միասայրի և երկսայրի, որոնց պատյանները պատած էին ոսկով ու արծաթով, որոնց կոթերը զարդարած էին ականակուռ գոհարներով, և որոնցից շատերը երկաթահատ էին ու դեղած:
օթոցներով-բազմոց
նիզակներ-փայտե երկար կոթով խոցող զենք
տեգեր-նիզակի ծայրի սուր երկաթ
գեղարդներ-փայտե կոթով սառը զենք
ջիդաներ-տեգ
աշտեներ-երակարակոթ նիզակ
լախտեր-մտրակ
ոսկեհուռ-ոսկեթել
գահավորակը-գահ
կապարճ-նետերը պահելու տեղ
լայնալիճ-լայն մեծ աղեղ ունեցող
տապարներ-կացին
ասպար-պաշտպանական զենք
սաղավարտներ-մետաղյա սաղավարտ
լանջապան-լանջը պաշտպանելու զրահ
դաշույններ-սուր, թուր
վաղրներ-սրի մի տեսակ